uppáhaldslagið og textinn -

 Hvað er að manninum að setja þetta blað - syngja og setja á plötu. Það er líka merkilegt hvað mér finnst þetta frábært - get hlustað að þetta tuttugu sinnum og finnst þetta alltaf jafnskemmtilegt. Ég held að ef þetta hefði verið í boði hefði Friðrik og Regína ekki verið að fara í ferðalag - ég hefði allavega kosið oftar en 17 sinnum.  Sá sem segir að þetta sé leiðinlegt, tapar - sá sem er sammála mér vinnur

Hátíðlegt er heimsins slekt

heimskt og leiðitamt

svo gáfnatregt og lúalegt

svo lúmskt og íhaldssamt

Mjög er normalt mannfólkið

og mett af bábiljum

Svo þungbúið er þetta lið

og þröngsýnt með afbrigðum

Samt er nákvæmlega sama hvert ég fer

já sama hvar ég er, allstaðar er fólk

Hvar í veröldinni, hvar í heimi hér

ei mannlaus staður, allstaðar er fólk

Þar þarf alltaf einhver fjandi að vera á ferð

uppi á öræfum, í óbyggðum, í frumskógum

og allstaðar er fólk

Fúlmennska og fáfræði

fordómar og heift

og siðprýði og sljóleiki 

í sálu fólks er þreytt 

Já mannfólkið er lýgilegt

lýgið falskt og bælt

svo ári tregt og alvarlegt

svo öfundsjúkt og spælt

 

Athugasemdir

[Rannveig (IP-tala skráð) 2.3.2008 kl. 23:33]

Ó, já, þetta er snilldarlag og nú er ég líkast til komin með það á heilann!

[Soffía Valdimarsdóttir, 3.3.2008 kl. 13:51]

Þetta er smartur texti - en hver er maðurinn?

[Ingibjörg Hanna (IP-tala skráð) 3.3.2008 kl. 22:51]

Nú hér er ég mætt og mun fylgjast með...mér þykir þú aðallega svöl að færa útlensk orð yfir á okkar ástkæra og ylhýra skrifmál sbr. monsérí (Mon chéri) og bondsjorno (Bon giorno). Ef þú vilt reyna að vera kúl get ég þýtt fyrir þig texta yfir á útlenskuna cara mia...haha!

[kristin einarsdóttir (IP-tala skráð) 4.3.2008 kl. 08:33]

Sælar allar þrjár - þjóðfræðineminn að norðan vinnur þessa keppni með glæsibrag, en við þig frú Soffía vil ég segja þetta; vísbending 1; ,,maðurinn" breytti nafni sínu og lætur með þeirri breytingu í ljós annað (segi ekki annarlegt)  viðhorf til fósturlandsins.

ingibjörg, mon séri - multibellafrálein - sumt er bara ekki hægt að segja nema á ástkæra ylhýra -

[Soffía Valdimarsdóttir, 4.3.2008 kl. 20:46]

Sko mér fannst þetta hljóta að vera Stormsker en þá vantar alveg dónatalið?