Wet, wet and yes ... wet

31.8.2008 | 07:35

Sagði ítaliugædinn þegar ég náði sambandi við hann í Húsadal eftir gönguna miklu um Laugaveginn í rigningu, roki og meiri rigningu, en sem betur fer komust þau þó heil til mannabyggða og ná sér að líkindum algerlega. Að lenda í svona hrakningum er oft mun eftirminnilegra en að ganga í sól og góðu veðri - þótt erfitt sé meðan á því stendur er samt eins og þessar litlu hetjudáðir að blotna rækilega, sjá vart útúr augum en klára samt daginn og leiðina sem fyrirhuguð var, sé eitthvað sem situr lengur eftir í sálinni en góðviðrisgangan. Þá á ég ekki við sem slæm minning, heldur minning hum um að hafa tekist á við erfiðleika og sigrast á þeim. Við Ítalíuhjólahópur áttum einn slíkan dag í gær þegar hjólað var umhverfis Þingvallavatnið. Við hjónin ókum austur fyrir hádegi og á hátindi Hellisheiðarinnar blasti við gráhvít jörð, jú það hvítnaði jörðin á Hellisheiðinni fyrir hádegi 29.ágúst 2008, bara svo það sé á hreinu. Við létum okkur detta í hug að fáir mundu mæta í hjólaferð hjólagarpanna en við Ljósafoss voru mættar 25 hetjur og á þeirri stundu leit veðrið vel út. Við stigum á hjólfákana, stálumst yfir stífluna, hjóluðum áleiðis í Grafninginn og þá byrjaði að rigna, og rigning nær ekki að lýsa skýfallinu sem yfir okkur hvolfdist aftur og aftur, en við hjóluðum með bros á vör og þegar stytti upp við og við inn á milli skúranna dáðums við að fegurðinni og ég er sannfærð um að enginn sem tók þátt í þessu ævintýri sér eftir að hafa eytt þessum degi við vatnið þingsins. að lokum hittum við Ítalíugædana, borðuðum, hlógum, spjölluðum, og nú erum við hjónin að fara með gædana þá á ,,góstmjúseumið" og ýmislegt annað....kv.KE

Flokkur: Bloggar | Facebook

Athugasemdir

Já þið eruð hetjur, ég verð að segja það. Ég sat heima og nagaði neglurnar til kl. 11:00 og þá var útséð um að ég myndi ná ykkur, en í rigningunni heima leið mér vel.

Sara Elíasdóttir (IP-tala skráð) 1.9.2008 kl. 10:28