Nú er líklega vott og kalt við Hattfell

28.8.2008 | 10:48

Nú er líklega vott og kalt við Hattfell

Hvert fór sólin og þurrar götur og gangstéttar? Allt útvaðandi í rigningu og bleytu og kannski roki - ég læt veður aldrei fara í taugarnar á mér en verð að viðurkenna að mér finnst óþarfi að láta rigna, rjúka og spá jafnvel stormi á hálendinu þegar litlu ítalíugædarnir eru þar á ferð í sakleysi sínu. Ewald Ítalíugæd og kærustustúlkan hans hún Michaela eru sumsé að ganga Laugaveginn, og ég stakk uppá því við þessa sakleysingja. Ég hef gengið Laugaveginn 150 sinnum eða eitthvað og mér finnst hann svo frábær en mér líður svolítið ekki vel núna, vitandi af þessum sólskinsbörnum á göngu líklega nálægt hinu einstaka Hattfelli nákvæmlega núna, á sandinum endalausa. Það hefur jafnvel hvarflað að mér að hringja í Álftavatn einsog mjög taugaveikluð móðir og spyrja, er allt í lagi með þau greyin? en finnst það svolítið langt gengið, þetta er fullorðið fólk og allt það. Líklegast mun ég bíða niðri á BSI á morgun, með fána og trommur og hafa fagnaðarfundi þar afþví ég komst ekki í gær. En, ég á að vera að undirbúa kennslu vetrarins og ég hlakka til að hitta nýnemama sem tekið hafa þá merku ákvörðun að nema þjóðfræði sem er, án gríns, alskemmtilegasta fag sem kennt er hér á landi og þó viðar væri leitað. KVKE

Flokkur: Bloggar | Facebook

Athugasemdir

Alltaf er jafn yndislegt að lesa þín fallegu og vel samsettu orð, mín kæra fröken hjólaferð, hógværðin og gæskan svo alltumliggjandi í þeim!Þetta hlýtur að reddast með parið, bölva má jú þegar golan bærir um of á sér, en það rignir nú aldrei of mikið í seinni tíð á okkar heittelskaða landi!

Magnús Geir Guðmundsson, 28.8.2008 kl. 16:34