Feneyjar - Seekirchen

Góðan og blessaðan daginn!

Hér sit ég við mína tölvu á hótelherbergi í Seekirchen, sól úti og alparnir í næsta nágrenni. I fyrradag kvaddi ég Ítalíufara á flugvellinum í Munchen eftir að hafa daginn áður verið með þeim í Feneyjum. Þessi Ítaliuför var ótrúlega skemmtileg og ég hreinlega geri ráð fyrir að fá að hjóla aftur sem allra fyrst með þessu skemmtilega fólki. Í þeim hópi voru óvenjuafkastamiklir hagyrðingar og hér ætla ég að birta afrakstur hugarsmíða þeirra. Þegar við sátum hjá stóru hjónunum og gæddum okkur á grilluðum kjúklingum og maiskökum köstuðu systkinin af suðurlandi fram þessari stöku:

Sitjum í svitabaði

svakalega er okkur heitt

Hjólin eru úti á hlaði

haldiði að við séum þreytt?

Einhverntíman áður gerðist þetta:

Brekkur í báðar áttir

hugurinn ber okkur heim (á hótel auðvitað)

sunnlendingar eru sáttir

þetta er svakalegt geim.

 En, nú er kominn nýr hópur og aldursmet Sunnlendingsins frá síðustu ferð var slegið um leið og þar var sett. Nú er stefnan á öll tíu vötnin í kringum Salzburg og í gær hjóluðum við fra´Salzburg og til þorpsins Seekirchen - veðrið er sól og blár himinn, og náttúrufegurðin hér er slík að það er varla hægt að lýsa henni og sumir segja að hún festist hreinlega ekki á mynd. en nú er að líða að brottför, pakka, hjóla, borða, horfa ....kv. Kristín

 

Athugasemdir

[Guðrún og Rósi (IP-tala skráð) 19.8.2008 kl. 21:02]

Við hjónin gætum alveg hugsað okkur að skjótast um austurískar grundir með ykkur.  Við erum sammála þér um hæfileika hinna sunnlensku hagyrðinga. Kannski leynast einhverjir í þessum nýja hópi. Það er satt hjá þér síðasta ferð var frábær og áttir þú ekki hvað síst þátt í því.

Kveðja Gunna og Rósi

[Sesselja Fjóla Þorsteinsdóttir, 22.8.2008 kl. 12:19]

Knús