mannkerti og svarteyg drós, gutlandi á gítara, grátklökka slagara,

Getraun: úr hvaða texta er fyrirsögnin? verðlaun: 22 km. hjólaferð  með sjónum, sólarlag og sjávarlykt innifalin

Ég er að vinna svo ótrúlega skemmtilegt verkefni þessa dagana - ligg yfir dægurlagatextum gömlum og nýjum - tek viðtöl við skemmtilegt fólk og í gær söng meira að segja einn viðmælandinn fyrir mig, segi ykkur aldrei hver það var, enda bundin órjúfanlegum trúnaði. Annars held ég að ég sé að fá flensu sem er slæmt, er einmitt að fara með barnabarnaliðið að sjá Ladda á föstudaginn og ætla ekki að missa af því. Barnabarnastelpurnar eru miklir aðdáendur Ladda (og ég líka). Þær hlusta mjög oft á ,,Hver er sinnar kæfu smiður?" og dansa og syngja með. Það er svo merkilegt hvað það er margt skemmtilegt hægt að gera í þessu lífi, og örugglega líka í því næsta, ég er alveg að verða væmin, sem ég er reyndar alltaf og stöðugt, en reyni eins og ég get að halda því í hófi. Svo erum við að fara í ferðalag um næstu helgi, svo eru fundir með tilvonandi hjólagörpum, hlakka til, hlakka til, hlakka til. Einn áhugasamur skólamaður hringdi í mig og langaði að fræðast um skólaferðalagaverkefnið - og mér leið eins og kristniboða (held ég) sem upplifir að allt í einu er allir trúleysingjarnir farnir að biðja bænir. kv. KE hin væmna

Athugasemdir

[Helga Jóna (IP-tala skráð) 16.4.2008 kl. 12:36]

Þetta ku vera Land veit ég, textinn eftir Sigurð Þórarinsson.

Kveðja frá fyrrum þjóðfræðinema. 

[Ásrún (IP-tala skráð) 16.4.2008 kl. 12:36]

Land veit ég - viðurkenni samt strax að herra gúggle hjálpaði mér.

[[e-mail] (IP-tala skráð) 16.4.2008 kl. 15:46]

land veit ég og svo ? eigi er þetta ,,rétt" því miður verð ég á hryggja ykkur - þetta verður að vera algerlega rétta því vinningur mikill er í boði. KVKE 

[Kristín Einarsdóttir, 16.4.2008 kl. 17:26]

ókey, ókey - gef ykkur séns - þetta ótrúlega lag/texti heitir nebblega Landafræði og ást - þið vinnið náttlega, hvenær viljið þið taka út vinninginn????? kv. Stína

[Steingerður Steinarsdóttir, 16.4.2008 kl. 17:28]

Þetta hefði ég ekki vitað.

[Ása Ninna Katrínardóttir (IP-tala skráð) 16.4.2008 kl. 23:52]

Ég verð að viðurkenna fáfræði mína, ekki vissi ég þetta.

En Kristín mín, ég bíð óþreyjufull eftir útvarpsþáttum... veistu eitthvað um þá?

[Áslaug Helga Hálfdánardóttir, 17.4.2008 kl. 08:48]

Þetta var trikkí! Vona að heilsan verði ekki til trafala, svo þú komist nú að sjá hann Ladda! Kveðja

[Kristín Einarsdóttir, 17.4.2008 kl. 10:27]

Hæ ninna ég var að senda ykkur póst og nú leggst þjóðin við tækin...og þessi texti er magnaður, Ítalir lassarónar og mannkerti, vælandi niður við strönd glápandi á tunglið, þegar íslenskar sveitahetjur berjast fyrir sinum kvensum með hnefum og brennivíni. Áslaug ég ligg marflöt  - og eiginlega á bæn því fagur hópur barnabarna kemur með flugi frá norðurlandinu í dag til fundar við sína elskulegu ömmu. kv. Stína

[Edda Agnarsdóttir, 20.4.2008 kl. 12:13]

Já hann Siggi Þórarins var sleipur!