hvenær getum við farið upp í áttavitann?

sagði einn snillingurinn í fimmta bekk og átti að sjálfsögðu við vitann í Gróttu. Ég var að koma úr tveggja nátta ferð með nemendum Smárskóla, hjóluðum meðfram sjónum, sextán kílómetra leið úr Kópavoginum og í Gróttu.  Fyrri morguninn vöknuðum við í snjó og eflaust hefur sumum ekki litist á að hjóla suður í sveitir en enginn kvartaði, börnin eru vön að klæða sig fyrir íslenskt veður og þegar leið á morguninn batnaði veðrið og þegar ég svo hjólaði til baka aftur með hinn bekkinn var sólin farin að skína og um kvöldið var hið fegursta veður í náttúrperlunni Gróttu. Þessar Smáraskólaferðir eru búnar að vera mikið ævintýri, en eins og önnur ævintýri tekur þetta enda og kötturinn líklega orðinn úti í mýrinni.

Athugasemdir

[Steingerður Steinarsdóttir, 11.4.2008 kl. 10:20]

Flott framtak hjá ykkur. Ég geng mjög oft með hundinn minn við Gróttu og þetta er einstök náttúruperla.

[Magnús Geir Guðmundsson, 12.4.2008 kl. 01:25]

Og varð hann ekki úti þarna með manni og mús!?

Kettir eiga bara ekkert með að vera að flækjast svona úti og það í mýri!

En sól og mýri, útkoman úr því hlýtur að vera Sól í Norðurmýri, Þórunn og Megas!

(þú veist þótt barnung og óreynd sért, a'ð Megas er kjaftfori karlin sem kann ekki að syngja, er tannlaus, en heimtar samt sí og æ að láta spá í sig!)

og já, Börn eru besta fólk, það sagði allavega Guðrún Helga um árið og hefur ekki bakkað með það svo ég viti!

[Sesselja Fjóla Þorsteinsdóttir, 12.4.2008 kl. 20:40]

Hefur alltaf fundist að það ætti að heiðra þig sérstaklega fyrir ferðirnarnar þínar með nemendum Smáraskóla, ætti í raun að vera búið að því fyrir löngu.

[Kristín Einarsdóttir, 13.4.2008 kl. 11:29]

Takk Fjóla mín - þú ert best.

[Sesselja Fjóla Þorsteinsdóttir, 13.4.2008 kl. 12:36]